小心一間係北角滙的日本餐廳的男職員

[Else wong]

事件一：之前同家姐兩個人一齊食晚餐，見到北角滙有間日本丼飯想試下。當晚到左門口有個有少少禿頭的男職員帶位，兩個人坐到四人位當時好開心，不過惡夢就開始！因為個男職員不斷行過嚟問我地啲野好唔好食，又好關心我地兩姐妹，一開始我地覺得好好態度，但後來佢不斷過來幫我地斟茶又係咁想搵我地吹水，但係我地其實唔係好想理佢！用餐途中，又聽到佢不斷罵佢的員工（可能佢係老闆/經理），因為我地係坐counter隔離的四人位，所以聽得好清楚，估唔到人前人後兩個樣，所以更加冇好感！其實我地成餐飯都食得好趕，因為家姐話唔舒服好想快啲走！後來，我地食完飯埋單走，佢又突然請我地兩個食柚子雪糕，但係又唔見佢請其他客人食，所以我地都reject左。後來返到屋企，家姐同我講個男職員不斷行過黎卡位，又拎住手機對住佢同我條裙，聽完嚇到我當時出曬汗，所以奉勸所有穿裙的女性去到都要小心！！

事件二：第二次係公司同事大家當日話想食依間餐廳，而我地就叫左三個男同事去拎位先（一共六個人）。後來，男同事A突然打電話比我地，話佢地12點15分到餐廳門口，當時餐廳得一台客人。有位女職員招呼佢地入去，本來佢地三個已經準備坐低，突然有個男經理好惡咁罵個女職員點解比三個男同事入去，因為我地係六個人未人齊，所以要趕返男同事出門口。所以，我地就離開左，去左第二間餐廳食。後來聽同事講返，當時個男經理原來係上次招呼我同家姐的男人，而且對客人同員工的態度都好惡劣。所以後來，我地都冇去依間餐廳食啦！

經過兩次咁惡劣的用餐體驗，大家都小心個男經理的（服務態度和手機），同埋著裙的女士如果真係去用餐都保護自己，唔好貪佢的雪糕！估唔到老闆會請啲咁有問題的員工，真係好恐怖！